عاوز تتكلم لغة جديدة .. ليك في الصيني ؟
学习中文吧
أول سؤال هيخطر علي بالك هي اللغة الصينية مهمة جدا كدة ؟ .. وايه الاسباب
عزيزي القاريء خمسة أسباب تخليك مهما كان عمرك أو تخصصك أو عدد اللغات اللي بتكلمها بالفعل تتعلم اللغة الصينية :
.
أولا : يتحدث اللغة الصينية اليوم أكثر من ربع سكان العالم ويبلغ عدد الأشخاص الذين يتعلمون الصينية 20 مليون شخص من مختلف دول العالم , كمان اللغه الصينيه الماندارين هى اللغه الام لحوالي 873 مليون شخص وبكده تكون اكتر لغة أولى الناس بتتكلم بيها حوالين العالم
.
ثانيا : تعلم كتابة أو قراءة اللغة الصينية لا يعتمد بأي شكل من الاشكال علي مهارتك او مستواك في أي لغة أخري بما فيها لغتك الام , علي سبيل المثال لما تيجي تتعلم لغة اوروبية زي الالمانية او الفرنسية هتلاقي ان إتقانك للغة بيعتمد علي مدي إتقانك للانجليزية لانهم مشتقين منها , وان كل لما مستواك هيتحسن في اللغة الجديدة دي هيأثر بالسلب علي الانجليزية , ودا مش موجود في اللغة الصينية , لانها قائمة بذاتها بالعكس دي مفتاح للغات الآسيوية الآخري كـ الكورية مثلا .. إضافة الي سهولة القواعد الخاصة بيها
.
ثالثا : تعلم اللغة الصينية إضافة مهمة لسيرتك الذاتية وحصولك علي فرص العمل بالشركات متعددة الجنسيات , ودا بسبب توسع إقتصاد الصين المتنامي ودخولها كشريك في العديد من الشركات الكبري , فمن الطبيعي ان الشركات دي مش هتحتاج بس لمترجمين من وإلي اللغة الصينية , لأ كمان مهندسين وفنيين ومحاسبين وإعلاميين وتسوقيين وإداريين بكافة التخصصات يجيدون اللغة الصينية
.
رابعا : اللغة الصينية مش بس اللغة الام للصين , لأ بالإضافة لسكان جمهوريه الصين وتايوان , يتم التحدث باللغة الماندارين
(الصينيه) فى اكثر و أهم المجتمعات التجارية والدولية تأثيرا فى دول زى إندونيسيا و
تايلاند و ماليزيا وسنغافورة وبيروني و الفلبين ومنغوليا وجزر مكاو
.
خامسا : أماكن تعلم اللغة الصينية سواء من خلال حضور كورسات أو مواقع التعلم عن بعد متوافرة في كل مكان , دا غير ان الجامعات الصينية بتقدم منح مجانية وبرامج تبادل دراسي , لتحفيز ونشر اللغة وتحفيز الناس تتعلمها , ودي إضافة تكاد تكون مبقتش موجودة خاصة للغة بالاهمية دي ,
.
وفي اسباب تانية كتيرة دا غير ان التعرف علي حضارة عظيمة جذورها بتمتد لـ اكتر من 5000 سنة , دا حافز لتعلم اللغة الصينية في حد ذاته , الاسباب اللي فاتت دي مش بس للي بيفكر يتعلم لغة جديدة , لأ كمان لكل واحد\ة درس واتعلم صيني وفـ وسط صعوبات الجامعة أو الوصول لفرصة عمل مناسبة يأس ونسي وبدأ يهمل فـ المستوي اللي وصله ومحاولش يطور من نفسه , بقولك وبقولها .. طور من نفسك ولغتك وضيف لنفسك قيمة هتلاقي الشغل هو اللي هيدور عليك .
.
أشوفكم المقال الجاي , بـ أهم مواقع تعلم اللغة الصينية عن بعد والمواد التعليمية المختلفة ومواقع الجامعات الصينية اللي بتقدم منح وأزاي تبدأ وتحدد مسارك رايح علي فين , وأي موقع إضافي عاوزين توصلوا ليه من خلال كومنتاتكم بإذن الله هننشروا مع الباقيين المقال الجاي .
.
بقلم : دعاء عادل حسين
0 التعليقات