نصائح سنة أولى إرشاد - نصائح الزميل محمد عبد الدايم

لو انت مرشد صينى ونازل الموسم السنة دى و خصوصا لو أول مرة يبقى لازم تقرا البوست ده كويس وتعمله شير مع زمايلك اللى اول مرة ينزلوا

دى شوية ملاحظات من الزميل أستاذ محمد عبد الدايم المرشد الصينى :

كام ملاحظة بسيطة لزمايلنا اللي نازلين إرشاد جديد من أخ أصغر

المفروض شركات السياحة بتطلع عهدة بكل المصروفات بس فيه حاجات ممكن ماتطلعش هتصرفها انت من معاك

زى

1-البيل مان أو عامل الشنط في الفندق أما بتوصل الفندق غالبا هيجي يساعد الزباين في تنزيل الشنط أو وضعها في الاتوبيس لو الشركة مش مطلعه في العهدة مشالات اللي هي تبس ليهم انت كمرشد وانت بتستلم العهدة أسأل المندوب عليها لو مفيش انت ادفع من معاك التبس ليهم على حسب العدد اللي معاك بس مايقلش عن 10 جنيه لأن الناس دى مرتباتهم ضعيفة واعتبرها بنية الصدقة

أما لو انت معاك شغل كروزة فلازم التبس بتاع الكروزة الشركة تطلعه في العهدة وغالبا بيكون 2 دولار علي الزبون ودولار للبحارة وهما المسؤلين عن تنزيل الشنط وخروجها من علي الكروزة الي الأتوبيس وخلي بالك تدفع تبس الكروزة في الريسبشن في ظرف لوحده وتبس البحارة لوحدة

2-ماتنساش تتأكد من تبس المطاعم وتعرف انت هتروح كام مطعم في البرنامج يبقي تبسهم كام

3- انت لو في أى زيارة وانت والسواق أو مندوب الشركة فطرتوا أو شربتوا اى حاجة الاحسن انك انت اللي تدفع وتصمم علي كده

4- وانت بتعمل اوبشنال في الغردقه في رحلة البحر وانت راجع العمال علي المركب هتوزع علي الزباين فاكهة غالبا هتكون شرائح برتقال انت تبلغ الزباين أن احنا من عادتنا هنا بعد ما العمال يوزعوا علينا الفاكهة ممكن كل زبون يدفع 1 دولار أو 5 جنيه أو 5 رينمينبي او 10 جنيه أو رينمينبي تبس للمركب

5- وانت في سفارى في الغردقة غالبا كل 8 زباين بيركبوا في عربية فيه شركات بتصرف 50 جنيه تبس لسواق السفارى وفيه شركات لا لو الشركة مش مخرجة تبس ليه انت أما بتخلص سفارى والناس بتركب عشان ترجعوا الفندق بتكلم الزباين أن كل زبون ممكن يدفع دولار أو 5 جنيه او 5 رينمينبي تبس للسواق

6- لو ربنا كرمك في المحلات ممكن تبقي تدى السواق اللي معاك اكرامية زيادة من معاك غير بتاع الشركة وطبعا مش أقل من 50 جنيه دا في حالة لو كان السواق زوق معاك

7- هتلاقي بياع اسمه محمود بيبيع صور وكوتشينة عند عمود السوارى هيجيلك عند الباب بتاع الأتوبيس حاول تساعده وتقول للزباين الأسعار في الأتوبيس هو جدع وعنده مسؤوليات كتير وهيساعدك لو احتجت حاجة في اسكندرية

8- بردوا في كل زيارة هتلاقي بياعين انت بتفهم زباينك في أول يوم أن كل زيارة هيكون فيه باعة متجولين مانشتريش منهم لوحدنا لأننا مانعرفش الأسعار وهى اصلية ولا تقليد وفي كل مكان انا لازم أساعد هم في الترجمة وهعرض عليكم الحاجة اللي بيبعوها في الأتوبيس عشان الأمان وأرخص لو عايزين ممكن تشتروا مش عايزين قولوا لا وماتعرضش ورق بردى المضروب اللي بيتباع في الهرم والمتحف والكرنك لأنك طبعا بتعمل محل بردى وليك عمولة انت والشركة

9- من الحاجات اللي تنبه علي زباينك عليها انهم

- في الهرم مايركبوش جمال لوحدهم لأن ركوب الجمل بدولار عشان تنزل من علي الجمل 100 دولار

- أو حد قالك ني هاو ماتردش عليه ولا تتكلم معاه لأنك لو رديت عليه هيعرف انك صيني وهيضايقك

- فيه اطفال وناس كتير في الهرم هيبقوا عايزين يساعدوكم في التصوير في الهرم يقولك شيل الهرم طيب بوس أبو الهول لو ساعدوكم في التصوير هتدفعلهم تبس ف الأحسن أننا نساعد بعض أو تقولولي وانا هساعدكم

- في الهرم مفيش حاجة بلاش يعني لو واحد قالك خد شال هدية أو تمثال للهرم أو أبو الهول هدية ما تتكلمش معاه وسيب الحاجة علي الأرض وامشي لأن مفيش حاجة ببلاش في الهرم ولا في حاجة ب 1 دولار

- ماتنساش قبل ما توصل الهرم تسالهم لو حد يحب يدخل الهرم من جوة الهرم الكبير ب200 جنيه التذكرة وخفرع تقريباً ب 40 جنيه وتخلي الزبون يدفع بنفسه

- اوعي تخاف لو جنبك مرشد قديم بيشرح لأننا كلنا بنبدأ صغيرين وخلي بالك المرشد مش لغة بس أو شرح بس لازم تفهم شغلك كويس وتفهم الزباين كل يوم هتعملوا ايه وكل زيارة هياخدوا وقت قد ايه ومكان التجمع فين

10 - ماتنساش لو انت في كروزة وأنت في كوم آمبو في زيارة مجانية لمتحف الإله سوبك فيه مومياوات للتماسيح والتصوير مسموح بدون فلاش

11 - خلي بالك لو عندك زيارة مصر القديمة جامع عمرو بن العاص والكنيسة المعلقة يوم الجمعة لأن الجامع فيه صلاة جمعة بيجهزولها من 11 ونص والصبح غالبا بيكون فيه قداس في الكنيسة

اتمني الحاجات دى تفيدكم أو تساعدكم لانى أو ما نزلت مندوب ومرشد كنت لسه بتعلم ومازلت بتعلم وكان فيه حاجات كتير ما اعرفهاش وقعتني في مشاكل

وياريت كدة وبس بتتعرض أن اللي شغالين معاك يتكلموا عنك في ضهرك اللي يقول عليك بخيل واللي يقول عليك فلاح وكلام كتير ولا تشغل دماغك بيه واوعي تصدق أى حاجة وحشة تسمعها ولا تنقلها لحد لأن معظم الكلام اللي بيتحكي في شغلنتنا كدب مش ناقصين غيبة ونميمة

بالتوفيق ليكم انا والله علي قدى خالص بس بحاول اجتهد بس تحت أمركم في أي مساعدة

دي أرقام المطاعم الصيني عشان لو احتجتوها

وانج فو الهرم 01001509982

سيلك روود 01221182185

يوان شأن الهرم 01280550411

الفورسيزون 01005011953

مودان مصر القديمة 01025549493

يوان شأن مصر القديمة 01280550422

بعض المطاعم المصرى

سقارة في طريق ممفيس 01227430411

كفيار مطعم سمك في الرماية 01223144245

سيسليانو مطعم سمك اسكندرية بجوار المنتزه 01289898188

مطعم صابرين سمك بجوار القلعة اسكندرية 01001152201

بعض أرقام فنادق شركات السياحة العاملة في السوق الصيني بتتعامل معاهم

مينا هاوس 0233766644

ميركيور الرماية 01008556012 / 0233776444

المريديان الرماية 0233773388

بيراميدز بارك 0238388300

بعض المحلات اللي بتتعامل معاها الشركات في السوق الصيني

جولدن ايجل ريحة 01001902934

جولدن ايجل بردى 01127361759

محل سفنكس بردى محل جديد في شارع أبو الهول جميل جدا 01005185418

قطن فلاور محل قطن 01004467071

بعض المراكب اللي شركات السياحة بتنفذ معاه سهرات العشا في القاهرة

جولدن بوت 01150066662

أندريا أو ممفيس 01224884494 مش اكيد

الليدي ديانا 01274551818

نصائح سنة أولى إرشاد - نصائح الزميل محمد عبد الدايم

مواضيع ذات صلة