شرح طريقة تثبيت تطبيق مدونة "بتكلم صينى" على موبايلك الأندرويد

بسم الله الرحمن الرحيم

ناس كتير حاولت تنزل تطبيق المدونة على موبايلها بس قابلتها مشاكل فى التحميل أو التثبيت

أنا هحاول أشرحلكم هنا بالتفصيل طريقة التحميل والتثبيت

أولا :التحميل

1- لو فاتح من الكمبيوتر :

عندك حل من اتنين : الحل الأول انك تحمل التطبيق من اللينك ده عالكمبيوتر وبعدين تنقله عالموبايل بوصلة USB، اضغط هنا للتحميل

والحل التانى الأسهل ان يكون عندك تطبيق مخصوص بيقرا اكواد QR Code اضغط هنا لتحميل تطبيق قارىء الأكواد

هتستخدم التطبيق ده انك توجه الموبايل ناحية الكود اللى تحت ده لحد ما يقرا الكود وهتلاقى الموبايل فتح لينك صفحة التحميل تلقائيا وطلب منك تأكيد التحميل

2- لو فاتح من الموبايل الموضوع أسهل كتير ، كل المطلوب انك تفتح اللينك ده اضغط هنا هيفتح صفحة مكتوب فيها كلمة install وتحتها مربع مكتوب فيه Free ، دوسوا عليه هيفتح صفحة التحميل ، هيعد 3 ثوانى ويبدأ التحميل

ثانيا : التثبيت

بعد ما بقى عندك التطبيق عالموبايل سواء حملته عالكمبيوتر ونقلته للموبايل أو نزلته عالموبايل على طول روح للمكان اللى نزلت فيه التطبيق ودوس عليه عشان تبدأ التثبيت

ناس كتير هتقابلها مشكلة فى الخطوة دى و هى بسبب ان التطبيق مش منزلينه من على play store فإعدادات الموبايل هتكون مانعة تثبيت أى تطبيق نازل من بره play store ، حل الموضوع ده فى خطوات بسيطة هو :

1- أول ماهتدوس على التطبيق عشان تثبته هيظهرلك خطأ انك لازم تغير الإعدادات بتاعتك الأول زى الصورة كده

2- هتدوس على كلمة Settings أو إعدادات عشان تدخل على الصفحة اللى فى الصورة دى ، دور على Unkown resources أو مصادر غير معروفة و علم قدامها علامة صح

3- هتجرب تروح للتطبيق تانى وتثبته هيتثبت على طول ، و لو معرفتش مكانه ممكن تحمله تانى و بعد انتهاء التحميل هتفتحه على طول مباشرة وتبدأ التثبيت

و مبروك عليكم التطبيق عالموبايل

جربوا و لو قابلتكم أى مشكلة ابعتولنا على الصفحة https://www.facebook.com/btklmseny/

أخوكم / محمد زكرى

شرح طريقة تثبيت تطبيق مدونة "بتكلم صينى" على موبايلك الأندرويد

مواضيع ذات صلة