中国星座 Zhōngguó xīngzuò
الابراج الصينية
لما تسأل واحد\ة برجك الصيني ايه ؟ :D
هو كمان عاملين لنفسهم ابراج غير الابراج الغربية ؟! ودا كان رد اي شخص معندهوش خلفية .. إنما اللي عنده يتعجب ويستنفر ثم يرد : دي ناس فاضية كان عندهم زحمة فعملوا لكل سنة برج ووفروا الشحططة والحسابات اصل كلهم ف الاخر شبه بعض .
أحب اقولك عزيزي القاريء ان الابراج الصينية هي علم فلكي محسوب بدقة شديدة , وان الناس دي معندهمش فراغ , وان برجك الصيني أدق من برجك الغربي حسابيا وفلكيا .. وان الصينيين بيصدقوا اوي فـ برج الشخص لدرجة انهم مؤخرا الكام سنة اللي فاتوا فـ شركات صينية كبيرة بتاخد فـ الاعتبار برج الشخص ضمن معايير قبوله بالوظيفة من عدمه .
نيجي للكلام المفيد الناس دي جابت الابراج منيين ؟ ومنيين طلعولنا بيها ؟
الصينييون القدماء عرفوا طاقات الكون بـ 12 نوع طاقة , و لكل عام بتتحكم طاقة من دوول فـ مساره واحداثه علي مدار سنة قمرية كاملة , وكل من يولد في إحدى السنوات يتميز بطبائع وأخلاق مختلفة وسمات شخصية متفردة بتجمعه عامة مع اقرانه فـ السنوات الاخري بنفس البرج وبتتحكم بصفة خاصة فـ نمط تفاعله المجتمعي والبيئي مع اللي حواليه واكيد ميوله وتوافقاته العاطفية , وسمى الصينيون كل سنة باسم حيوان صفاته تشبه طبائع المواليد بتوع البرج دا .
علي عكس الابراج الغربية , الابراج الصينية مبتهتمش بتوقعات السماء وحسابات الكوكب الغربي , انما بتتعامل مع طاقة الين واليانغ والتشي اللي هما الطاقات الخمسة الرئيسية ف الكون ( الارض والنار والماء والمعادن والخشب ).
طب انا اعرف برجي الصيني ازاي ؟ولو عاوز اعرف برج صاحبي الصيني بردوا ؟ :D دور ف الصورة اللي تحت عن سنة ميلادك والكام سطر الجايين هيشرحولك صفات برجك الصيني المقابل ليها :
- -برج الفأر: (2008-1996-1984-1972-1960-1948-1936-1924-1912-1900) المحب الطبيعة والترف ورمزه الحياة أو الطبيعة
- - برج الثور: (2009-1997-1985-1973-1961-1949-1937-1925-1913-1901) النشيط والمتشائم ورمزه الأرض
- - برج النمر: (2010-1998-1986-1974-1962-1950-1938-1926-1914-1902) المتحرر والحذر ورمزه الحرية
- - برج الارنب:(2011-1999-1987-1975-1963-1951-1939-1927-1915-1903) العنيد والمتأمل ورمزه القمر
- - برج التنيين:(2012-2000-1988-1976-1964-1952-1940-1928-1916-1904) المتهور الحالم ورمزه النار
- - برج الافعي:(2013-2001-1989-1977-1965-1953-1941-1929-1917-1905) الشكوكة والحكيمة ورمزها الحكمة
- - برج الحصان:(2014-2002-1990-1978-1966-1954-1942-1930-1918-1906) الفضولي والثرثار ورمزه الهواء
- - برج الخروف:(2015-2003-1991-1979-1967-1955-1943-1931-1919-1907) الثائرة والمتفائلة ورمزها الحرب
- -برج القرد:(2016-2004-1992-1980-1968-1956-1944-1932-1920-1908) المرح والمغامر ورمزه المعدن
- - برج الديك:(2017-2005-1993-1981-1969-1957-1945-1933-1921-1909) المغرور والمنظم ورمزه الشمس
- -برج الكلب:(2018-2006-1994-1982-1970-1958-1946-1934-1922-1910) الأمين والوفي ورمزه السلام
- - برج الخنزير: (2019-2007-1995-1983-1971-1959-1947-1935-1923-1911) المثقف وطيب القلب ورمزه الماء
ثم اعرف حبة معلومات عن برجك وبقية الابراج تنفعك فـ يوم محادثة مع واحد صيني مش لاقي كلام تقوله ليه ,
دا غير ان شكلك هيبقي وحش اوي لما تكون دارس صيني ومتعرفش معلومة مهمة زي دي :D
أشوفكم المقال الجاي
بقلم : دعاء عادل حسين
0 التعليقات