#اغلب رد الصينيين فى الشات او الكلام العادى بيكون ب 恩 اللى بتعادل ممم عندنا !
#اغلب المصريين و العرب بيكرهوا انهم يحادثوا حد ويفضل يقول ممم كتير !
#فى اللى يقولك ده مش فاهم و فى اللى يقولك ده بيسمع وخلاص و ف اللى يقولك ده غبى اصلا ، و فى اللى بيتنرفز ......
#عارفين ليه دى لازمة مع الصينيين ، مش عشان دى لغة اتعودوا عليها بالعكس !
#لو سألت حد صينى هتلاقى اللى هيجاوبك بصراحة و فى اللى هيقول عادى و فى اللى هيقول مش عارف !
#بس السبب هو اى صينى اساس و مبدأ عنده ان "اسمع كتير و اتكلم قليل" !
#فى مرة كان فى شخصية مقربة لى كانت بتنصحنى و بتقولى حاولى تفكرى بطريقة التفكير الصينية مش المصرية ، قلتلها ازاى قالتلى :
你先听好，听好了之后，想一想，想好了才可以开口说话，
يعنى الاول اسمع كويس الكلام و اعقله ، خلاص عقلت الكلام و استوعبته صح ابدأ رد ، عشان متردش باى كلام ملوش معنى او ملوش لازمة !
#لأن الكلام ممكن يضرك اكتر ما ينصفك !
#قيم و مبادىء المفروض انها تكون عندنا و اتمحت و اصبحت محل سخرية زى قيم كتير غيرها !
#لو نقدر نستوعب اقل المفردات اللى بنقابلها و نفسرها هنلاقى ان الفكر الصينى بمبادئه الصغيرة قبل الكبيرة هو اساس الثقافة ! يعنى مندرسش اللغة لمجرد انها لغة نتكلم بيها و بس لأ ! ندرسها و نحاول نفهم تفكير البلد و ثقافتها وعشان نعرف نستغل اللغة دى صح و نعرف ايه رد فعل كل كلمة بنقولها على اللى بنتكلم معاه !
#الصينيين اذكياء جدا ف لغة الحوار ! ممكن يقول كلمة بسيطة و هو منتظر منك رد معين و عارف انك مش هتفهم الغرض من ورا الكلمة دى ايه !
#و اخيرا و ليس اخرا فالثقافة هى منبع العلم و بالعلم ترتقى الشعوب و الحضارات ! فتعلموا و ارتقوا باخلاقكم و تفكيركم ، لان ليس كل مفكرعالم وليس كل عالم مفكر ! و ربنا يصلح حالنا اجمعين !
المصدر : جروب All about China
مع تحيات مدونة
بتكلم صينى
0 التعليقات